Laqgħa Ġenerali Annwali 2024-2025
06/05/2025
Għażiż Membru,
Permezz ta’ din iċ-ċirkolari nixtieq navżak li l-Laqgħa Ġenerali Annwali għall-istaġun 2024/5 se ssir nhar il-Ħadd 18 ta’ Mejju ġewwa Dar il-Mediterran għall-konferenzi (MCC). Il-laqgħa tibda’ fid-9am. Jekk ma jkunx hemm kworum il-laqgħa tibda’ nofs siegħa tard.
AĠENDA
1. Minuti tal-aħħar Laqgħa Ġenerali
2. Rapport Amministrattiv
3. Mozzjonijiet
4. Ħatra tal-Kummissjoni Elettorali
5. Elezzjoni
6. Diskors mill-President
7. Affarijiet Oħra
8. Għeluq
Nitolbok tieħu nota ta’ dan li ġej:
Elezzjoni
Peress illi fil-Laqgħa Ġenerali Straordinarja li saret nhar it-8 ta’ April 2025, il-Membri preżenti talbu b’mod unanimu li l-President u l-Membri tal-Kumitat għandhom jikkonsidraw li jibqgħu fil-kariga ghat-3 snin li ġejjin;
Peress illi fl-istess Laqgħa Ġenerali Straordinarja (tat-8 ta’ April 2025), il-President esprima l-apprezzament tiegħu għal din it-talba iżda saħaq li huwa fl-interess tal-Club li jinfetħu nomini għal kariga ta’ President sabiex jekk hemm persuna/i li jixtieq jikkontestaw ikunu jistgħu jagħmlu dan;
Peress illi wkoll fl-istess Laqgħa Ġenerali Straordinarja (tat-8 ta’ April 2025), il-Membri preżenti b’mod unanimu qablu li l-President elett għandu jressaq il-membri tal-Kumitat il-ġdid għall-approvazzjoni tal-Membri fi żmien ġimgħa mid-data tal-elezzjoni tiegħu/tagħha;
Għaldaqstant, ma’ din iċ-ċirkolari qed tirċievi l-formola tan-nomini għal-kariga ta’ President ta’ Valletta FC, hekk kif mitlub mill-iStatut tal-Club. In-nomini għandhom jintbaghatu permezz ta’ email lis-Segretarju Ġenerali fuq secretarygeneral@vallettafc.mt sa mhux aktar tard mit-Tnejn 12 ta’ Mejju 2025. In-nomini oriġinali għandhom jitwasslu personalment għand is-Segretarju Ġenerali fi żmien 3 ijiem minn meta jintbagħtu permezz tal-email.
Fid-dawl tad-diskussjoni u d-decizjoni tal-membri fil-Laqgha General Straordinarja nhar it-8 t’April, ser ikun qed jigi propost li ssir elezzjoni ghall-kariga ta’ President. Kif maqblu, il-President elett ser jinghata c-cans li jifformola kumitat gdid li imbaghad jigi approvat mill-membri f’laqgha futura. Id-decizjoni finali rigward il-kompozizzjoni tal-kumitat ezekuttiv ser tibqa’ kompletament f’idejn il-membri.
Statut
Kif ġie mħabbar fil-Laqgħa Ġenerali Straordinarja li saret nhar it-8 ta’ April 2025il-Kumitat ħatar Working Group li qed idur l-istatut biex isiru tibdiliet neċessarji sa biex il-Club ikun jista’ jaġġorna l-istrutturi tiegħu fid-dawl tal-istrateġija li adottajna din is-sena. Kull min għandu proposti/suġġerimenti/mistoqsijiet dwar din il-materja jista’ jibgħat email lis-Segretarju Ġenerali fuq secretarygeneral@vallettafc.mt. Kull sottomissjoni se tiġi trattata b’kunfidenzjalita’.
Insellmilkom,
Kevin Bonello
Secretary General
Valletta Football Club
